𝐃𝐢𝐫𝐞𝐬𝐚𝐮𝐧 𝐒𝐞𝐫𝐯𝐢𝐬𝐮 𝐌𝐮𝐧𝐢𝐬𝐢𝐩á𝐥 𝐁é, 𝐒𝐚𝐧𝐞𝐚𝐦𝐞𝐧𝐭𝐮 𝐧𝐨 𝐀𝐦𝐛𝐢𝐞𝐧𝐭𝐞

𝐃𝐢𝐫𝐞𝐬𝐚𝐮𝐧 𝐒𝐞𝐫𝐯𝐢𝐬𝐮 𝐌𝐮𝐧𝐢𝐬𝐢𝐩á𝐥 𝐁é, 𝐒𝐚𝐧𝐞𝐚𝐦𝐞𝐧𝐭𝐮 𝐧𝐨 𝐀𝐦𝐛𝐢𝐞𝐧𝐭𝐞

INTRODUSAUN

SAS hanesan instituisaun Governu nian, ne’ebé estabelese ona iha Município Likisa, iha tempu Governu Tranzisaun (UNTAET), ho naran WSS, hahú 2000 to’o 2002. Hafoin Restaurasaun Independénsia iha 20 de Maio 2002, Instituisaun.

___________________________________________

𝙵𝚒𝚐𝚞𝚛𝚊 . 𝟺. 𝙴𝚍𝚒𝚏í𝚌𝚒𝚞 𝙰𝚍𝚖𝚒𝚗𝚒𝚜𝚝𝚛𝚊𝚝𝚒𝚟𝚞 𝚂𝙼𝙰𝚂𝙰 𝙻𝚒𝚚𝚞𝚒ç𝚊

___________________________________________

SAS, hahú nia knár hanesan Seksaun kiik ida iha Distritu Liquiça husi DNSAS iha Ministério das Infrastruturas nia okos. Iha 2012 to’o 2015 SAS transforma nia knár ho naran DAA, husi DNSA iha Gabinete SEASU nian. Iha Direcção Geral DNSAS nian iha Ministério das Obras Públicas, fahe ba Direcção tolu (3) hanesan; DNSA, DNCQA no DNSB.Iha 2016 Ministerio 8 iha asina akordu hamutuk ho ministerio STATAL delega kompetensia balun Mai iha munisipio liu husi decreito lei no 3/2016 nebe hetan alterasaun ba Decreito lei no 54/2020 SAS Transforma ba Iha Diresaun ida nebe  tutela ba iha Administrasaun munisipio ho naran Servisu munisipal Agua Saneamento baziko e Ambiente [SMASA] to’o agora.

FILOZOFÍA

“All for The Best and The Best for All” katak “Hotu-hotu ba diak no diak liu ba hotu-hotu“signifika mós katak jestór no stakeholder hotu prontu fó sira-nia profesionalízmu, hodi hasoru difikuldades ka dezafius, liu husi serbisu hamutuk, kreatividade no inovativu hodi hetan rezultadu diak ba ita hotu.

VIZAUN

• Sai Instituisaun Profisionál, katak instituisaun ne’ebé iha jestaun ne’ebé loos (integridade), lais-mamar (efetivu) no la haliis (imparsiál) hodi serbi diak komunidade.
• Sai Instituisaun Akreditavel, katak instituisaun ne’ebé iha akuntabilidade, kredibilidade no transparénsia ne’ebé  a’as.
• Sai Instituisaun Eleitu, katak instituisaun ne’ebé iha komitmentu no prioriedade maka’as ba nesecidade públiku, liu husi serbisu hamutuk ho parte kompetente hotu.

MISAUN

• Hasa’e no garante kuantidade nomós kualidade sistema Bee Saneamentu no Ambiente, tuir padraun tékniku nian no matadalan ka polítika Governu nian ba PEDN no PM (Planu Mestre) iha Municipío Likisa.
• Dezenvolve inovasaun foun hanesan; prezervasaun ambientál, promove natureza ambientál no kultura hodi proteje no asegura rekursu bee iha Municipío Likisa ba tempu naruk.
• Promove Teknolojía sistema bee mos ho eskála boot hodi garante ekonomia sustentavel no fó reseitas ba Estadu liu-liu iha Municipío Likisa.

OBJETIVU

SMASA Likisa nia tarjetu hodi atinji objetivu mak hanesan:

• Hala’o (M & A) ba atividade hotu, hodi identifika problema no define área prioriedade sira, nune’e bele hamosu Planu Asaun Annual ne’ebé integradu.
• Mantein liña koordenasaun ho setores relevantes no estabelese akordu ho parseirus BESI.
• Tau prioriedades maka’as ba áreas rurais, hodi asegura kobertura sistema bee mos saneamentu no Ambiente nebe saudavel .
• Fó suporta GMF (sosiál & téknika) hodi mantein O & M ba sistema.
• Hasa’e konsiénsia komunidade liu husi mudansa hahalok sira, hodi uza,  koidadu no moris mós, liu husi sosializasaun Dekretu Lei No.04/2004 (ba bee mos), hodi asegura sustentabilidade sistema bee rurál.
• Transforma sistema administrasaun ho jestaun ne’ebé akuntavel, transparénsia no kredibilidade.

• Implementa jestaun kontrolu rekursu bee neebé sustentavél, liu husi konservasaun no protesaun ba kaptasaun nomós fontes bee nian.
• Hari’i  no introdúz plataforma sistema saneamentu (latrina) ne’ebé diak hodi asegura moris mos no sustentabilidade ba sistema.

_____________________________________________________________________________________________