SERVIÇO MUNICIPAL DE PLANEAMENTO INTEGRADO E DESENVOLVIMENTO

PERFIL

DIRESAUN SERVISU MUNISIPAL PLANEAMENTU DEZENVOLVIMENTU INTEGRADU

AUTORIDADE MUNISIPAL LIQUIÇÁ

KAPÍTULU I

INTRUDUSAUN

A. Antesedénsia

Diresaun Servisu Munisipal Planeamentu Dezenvolvimentu Integradu Munisipal (PDIM) atu harmoniza implementasaun programa hirak ne’ebé halao hahu husi nivel Suku, Postu Administrativu to’o Autoridade Munisipal hodi hare implementasaun ba infraestrutura bazika iha setor Saude, Edukasaun, Infraestrutura Bazicas (Be’e Moos, Saneamentu no Obras Publika) no Agrikultura.

Planu Investimentu Munisipal maka lista projetu infraestrutura bazica sira nebe’e mai husi konselu suku no hetan apresiasaun iha nivel asembleia postu depois halo konsultasaun ho komunidade.

B. Ezistensia Diresaun Servisu Munisipal Planeamentu Dezenvolvimentu Integradu Munisipal.

Diresaun Servisu Munisipal Planeamentu Dezenvolvimentu Integradu Munisipal nia ezistensia hahu ho baze legal Dekretu Lei N.^o 36 / 2015 de 16 de Setembro, 1.^a Alterasaun husi Dekretu Lei N.^o 4/2012 de 15 de Fevereiro kona ba rejime juridiku Planeamentu  Dezenvolvimentu Integradu Munisipal nian ne’ebé inisia husi Governu iha tinan 2010 ho Programa Dezenvolvimentu Lokal (PDL), Programa Dezenvolvimentu Desentralizadu (PDD), Planeamentu Dezenvolvimentu Integradu Distrital (PDID) no tuir mai Planeamentu Dezenvolvimentu Integradu Munisipal (PDIM).

C.Vizaun no Misaun

1. Vizaun

Presta Servisu Ho Kualidade ba Planu Investimentu Munisipal ba Infraestrutura Bazika iha Setor Saude,edukasaun,Agrikultura, Saneamentu no Be’e Mos

2. Misaun

1. Promove planu investimentu munisipal ne’ebé iha retornu ba estadu.
2. Promove no asegura kualidade infraestrutura bazika sira tuir padraun tekniku
3. Promove no asegura asisibildade ba ema ho difisiensia iha infraestrutura bazika sira

Objetivu

Garante planu investimentu munisipal ida ne’ebé sustentavel bele koreponde ba nesesidade komunidade iha Setor Saude,edukasaun,Agrikultura, Saneamentu no Be’e Mos hodi hasae kresementu ekonomia no kualidade moris komunidade nian.

KAPÍTULU II

ORGANIGRAMA,KOMPETENSIA NO MAPA PESSOAL

A. Organigrama Diresaun Servisu Munisipal Planeamentu Dezenvolvimentu Integradu Munisipal. (Diploma Ministerial N.º 85 /2023 de 29 de Dezembro Artigo 19.º no 20.º)

B. Kompetensia sira artikula iha  Dekretu Lei 84/2023, Kinta alterasaun hosi Dekretu Lei 3/2016 Artigu 124.º no Artigu 125^o ne’ebé deskreva tuir mai :

A. Artigu 124^o Hateten :

1. Servisu Munisipal Planeamentu Integradu no Dezenvolvimentu elabora no aprezenta ba Prezidente Autoridade kona ba relatoriu mensal, trimestral, semestral no anual kona ba ezekusaun fizika no finanseiru planu investimentu munisipal.
2. Relatorio ne’ebé previstu iha numeru dahuluk.

1. Identifika ezekusaun projetu investimentu sira ne’ebé prevê ba tinan ida nia laran
2. Indentifika alokasaun orsamental sira ba ezekusaun kada projetu
3. Identifika empreza kualifikadas sira hodi partisipa iha konkursu publiku munisipal ba ajudikasaun hodi ezekuta servisu konstrusaun sira iha ambitu PDIM
4. Identifika empreza sira ne’ebé partisipa iha prosesu pre-kualifikasaun no laiha kualifikasaun hodi partisipa iha konkursu publiku munisipal ba ajudikasaun ezekusaun servisu obras iha ambitu PDIM no indika razaun impedementu kualifikasaun
5. Avalia statutu ezekusaun fizika kada projetu
6. Avalia statutu ezekusaun finanseiru kada projetu
7. Indika razaun ne’ebé motiva atrazus verifikasaun iha ezekusaun fizika ka finanseira kada projetu tuir kalendarizasaun ne’ebé iha.
8. Aprezenta proposta rekalendarizasaun projetu sira ne’ebé temin iha alinea uluk
9. Avalia impaktu ezekusaun planu investimentu munisipal ba kriasaun empregu lokal
10. Avalia impaktu ezekusaun planu investimentu munisipal ba konkretizasaun objetivu dezenvolvimentu munisipiu.

B. Artigo 125.º Hateten :

1. Relatoriu evolusaun ba ezekusaun fizika no finanseira planu investimentu munisipal haruka husi Prezidente Autoridade Munisipal, sob proposta husi Diretor Servisu munisipal Planeamentu Integradu no Dezenvolvimentu Munisipal, ka membru Governu responsavel husi administrasaun estatal no instrusaun ho pareser husi Ajensia Planeamentu Munisipal.
2. Relatoriu anual ba ezekusaun Planu Investimentu Munisipal tuir pareser ne’ebé temin iha numeru 1 sei iha instrusaun ho pareser husi Konselu Koordenasaun Munisipal no Konselu Konsultivu Munisipal
3. Membru Guvernu ne’ebé responsabel ba administrasaun estatal no planeamentu regula liu husi diploma ministerial konjuntu ho forma prosesu relatoriu evolusaun ezekusaun fizika planu investimentu munisipal.

C. Mapa Pessoal Diresaun Servisu Munisipal Planeamentu Dezenvolvimentu Integradu Munisipal (PDIM)

Diresaun Servisu Munisipal Planeamentu Dezenvolvimentu Integradu Munisipal hanesan diresaun servisu ida ne’e asume nia knar ba implementasaun programa  planeamentu no dezenvolvimentu iha Autoriadade Munisipal Liquica no hodi apoiu ba servisu administrativu sira presiza iha pessoal ne’ebé kualifikadu iha area espesifiku sira tuir nesesidade servisu hanesan tekniku iha area konstrusaun sivil, servisu apoiu administrasaun no servisu finansas ho nune’e bele presta servisu diresaun nian ho kualidade, efisiensia no efikas. Diskrisaun mapa pessoal hanesan tabela tuir mai :

KAPÍTULU III

TAREFA SERVISU DIRETOR,OFISIAL FINANSAS,OFISIAL ADMINISTRASAUN,TEKNIKU ARQUITECTURA NO TEKNIKU SIVIL

A.Tarefa Servisu Diretur

(Diploma Ministerial N.^o 85/2023 de 29 de Dezembro Artigu 19^o no 20⁰)

1. Misaun

Servisu Planeamentu no Dezenvolvimentu Integradu Munisipál nu’udar servisu Autoridade Munisipál nian ne’ebé nia misaun atu garante apoiu tékniku no administrativu ba Prezidente Autoridade Munisipál no órgaun no servisu sira seluk Autoridade Munisipál nian iha estudu, dezenvolvimentu no ezekusaun Planu Dezenvolvimentu, Planu Investimentu Munisipál no Munisipál.

2. Tarefa Servisu

1. Knaar sira Servisu Integradu Planeamentu no Dezenvolvimentu Munisipál nian maka:

• Promove hala’o atividade sira ne’ebé prevee ona iha ámbitu Planeamentu Integradu Dezenvolvimentu Munisipál, tuir kalendáriu ne’ebé aprova tiha ona;
• Elabora proposta Planu Investimentu Munisipál no aprezenta ba respetivu Prezidente Autoridade Munisipál;
• Promove ezekusaun Planu Investimentu Munisipál, tuir matadalan Prezidente Autoridade Munisipál nian;
• Asegura jestaun finanseira ne’ebé di’ak ba Planeamentu Dezenvolvimentu Integradu Munisipál no Planu Investimentu Munisipál;
• Propoin ba Prezidente Autoridade Munisipál halo pagamentu sira relasiona ho ezekusaun projetu sira Planu Investimentu Munisipál nian, tuir enkuadramentu legál no kontratuál ne’ebé estabelese ona ba ida-ne’e;
• Prepara relatóriu sira kona-ba evolusaun ezekusaun fízika projetu sira ne’ebé finansia liu hosi Planeamentu Dezenvolvimentu Integradu Munisipál;
• Hala’o knaar sira seluk iha ámbitu planeamentu no dezenvolvimentu integradu, partikularmente iha ámbitu implementasaun Planeamentu Dezenvolvimentu Integradu Munisipál, ne’ebé superiór sira mak determina no ne’ebé la’ós responsabilidade hosi órgaun ka servisu seluk hosi Autoridade Munisipál respetiva.

B. Tarefa Servisu Ofisial Finansas

• Halo jestaun ba ezekusaun orsamentu no relatoriu finanseira diresaun nian ho efisiensia no efikasia
• Prepara no elabora Planu Asaun Anual (PAA) Diresaun Servisu Munisipal Planeamentu Dezenvolvimentu Integradu Munisipal (PDIM) nian.
• Prepara relatoriu Dezenpenhu no Previstu kada trimestre tuir Planu Asaun Anual nian
• Prepara no hato’o proposta kada trimestre tuir nia atividade ba Diresaun Servisu Munisipal Finansas.
• Prepara no estabelese resivu sira hodi fasilita ezekusaun orsamentu diresaun nian.
• Apoiu servisu sira kona ba elaborasaun Planu Investimentu Munisipal (PIM)
• Halo jestaun ezekusaun orsamentu ba ekipa monitorizasaun no supervizaun projetu implementadus.
• Simu no prosesa aktus administrativu sira kona ba pedidu adiantamentu husi empreza sira ne’ebé ezekuta obra.
• Asegura Sijilo no konfensialidade Diresaun Servisu Munisipal Planeamentu Dezenvolvimentu Integradu Munisipal nian
• Partisipa ho masimu iha kualker selebrasaun loron nasional no  atividade ofisial estadu nian hotu
• Ezekuta servisu hotu tuir orientasaun superior

C.Tarefa Servisu Ofisial Administrasaun

• Simu no halo jestaun ba dokumentu no arkivamentu
• Prepara no organiza enkontro sira iha Diresaun Servisu Munisipal Planeamentu Dezenvolvimentu Munisipal (PDIM)
• Prepara no kontrola material eskritoriu sira
• Prepara lista prezensa ba funsionariu sira
• Prepara formatu avalisaun dezempeñu ba funsionariu sira
• Prepara viajem lokal ka MOP ba funsionariu sira
• Prepara no elabora relatoriu trimestral no anual diresaun nian
• Apoiu servisu sira kona ba elaborasaun Planu Investimentu Munisipal (PIM)
• Asegura Sijilo no konfensialidade Diresaun Servisu Munisipal Planeamentu Dezenvolvimentu Integradu Munisipal nian
• Prepara no elabora akta enkontru elaborasaun Planu Investimentu Munisipal (PIM) no enkontru sira seluk
• Partisipa ho masimu iha kualker selebrasaun loron nasional no  atividade ofisial estadu nian hotu
• Ezekuta servisu hotu tuir orientasaun superior

D. Tarefa Servisu Arquitectura/Arsitek

• Dezenvolve dezeñu ba projetu ne’ebé hetan finansiamentu iha planu investimentu munisipal no dezeñu sira ne’ebé orienta husi superior
• Prepara kalendariu monitorizasaun no supervizaun ba projetu implementadu no on going sira
• Kordena ho diresaun aprovizionamentu kona ba planu orariu ba site visit ka vizita fatin projetu
• Prepara rekapitulasaun sira kona ba progresu fiziku obra implementadus sira
• Prepara kalendariu ba elaborasaun Planu Investimentu Munisipal (PIM)
• Halo monitorizasaun no supervizaun regularmente ba projetu sira tuir orariu ne’ebé estabelese ona.
• Prepara sertifikadu pagamentu / certificate payment sira
• Kordena ho estatistika kona ba dadus sensus atualizadu hanesan baze ba elaborasaun PIM
• Prepara karta teste betaun ba kompania ne’ebé ezekuta obra
• Prepara karta kona ba emenda kontratu husi kompania ne’ebé implementa obra
• Simu no prosesa aktus administrativu sira kona ba pedidu adiantamentu husi empreza sira ne’ebé ezekuta obra.
• Apoiu servisu sira hotu kona ba implementasaun projetu to’o nia finalizasaun sira.
• Asegura Sijilo no konfensialidade Diresaun Servisu Munisipal Planeamentu Dezenvolvimentu Integradu Munisipal nian
• Partisipa ho masimu iha kualker selebrasaun loron nasional no  atividade ofisial estadu nian hotu
• Ezekuta servisu hotu tuir orientasaun superior

E.Tarefa Servisu Tekniku Sivil

• Dezenvolve Bill of Quantity (BoQ) ba projetu ne’ebé hetan finansiamentu iha planu investimentu munisipal no  Bill of Quantity (BoQ) sira ne’ebé orienta husi superior.
• Prepara  no elabora kalendariu ba preparasaun Dezeñu no BoQ projetu sira ne’ebé hetan ona finansiamentu
• Apoiu servisu sira kona ba elaborasaun planu investimentu munisipal (PIM)
• Prepara karta kona ba emenda kontratu husi kompania ne’ebé implementa obra
• Halo monitorizasaun no supervizaun regularmente ba projetu sira tuir orariu ne’ebé estabelese ona.
• Prepara sertifikadu pagamentu / certificate payment sira 
• Simu no prosesa aktus administrativu sira kona ba pedidu adiantamentu husi empreza sira ne’ebé ezekuta obra.
• Apoiu servisu sira hotu kona ba implementasaun projetu to’o nia finalizasaun sira.Asegura Sijilo no konfensialidade Diresaun Servisu Munisipal Planeamentu Dezenvolvimentu Integradu Munisipal nian
• Partisipa ho masimu iha kualker selebrasaun loron nasional no  atividade ofisial estadu nian hotu
• Ezekuta servisu hotu tuir orientasaun superior

KAPÍTULU IV

INVESTARIZASAUN NO TOR PLANU REKRUTAMENTU

A. Inventarizasaun

Inventarizasaun hanesan parte integradu ida iha repartisaun servisu kada instituisaun hodi fo’o apoiu suportivu ba atividade administrativu no mobilidade funsionariu sira ne’ebé presta sira nia servisu, fasilidade sira ne’e presiza rejistu sai hanesan patrimoniu iha instituisaun refere. Diskrisaun inventarizasaun iha Diresaun Servisu Munisipal Planeamentu Dezenvolvimentu Integradu Munisipal (PDIM) hanesan tuir mai :