Liquica, 17 fevereiru 2025 – Governu Timor-Leste, liu-hosi Unidade de Missão para o Combate ao Stunting (UNMICS), hala’o workshop rejionál hodi defini Kompromisiu Nutrisaun ba Kresimentu ka Nutrition for Grouth (N4G) iha Munisípiu Liquica. Konsultasaun ne’e hanesan parte ida hosi esforsu nasaun nian atu avalia progresu ba meta nutrisaun nasionál no hametin kolaborasaun multi-setoriál hodi kombate malnutrisaun.

Timor-Leste halo ona progresu signifikativu iha nutrisaun, ho taxa stunting tun husi 50.2% iha 2013 ba 47.1% iha 2020. Maske nune’e, presiza esforsu barak liu tan atu atinji alvu nasionál 25% iha 2030. Governu implementa ativamente CNAP-NFS (2020-2020) no PANKOS (2024-2030) hodi hamenus liu tan stunting, wasting, no todan bebe bainhira moris (LBW), hodi garante saúde no dezenvolvimentu ne’ebé di’ak liu ba labarik Timoroan sira hotu.

Objetivu hosi konsultasaun ida ne’e atu halibur reprezentante governu, parseiru dezenvolvimentu, sosiedade sivíl no autoridade lokál sira hodi reve komitementu ne’ebé Timor-Leste atu halo ba tinan 5 oin mai no identifika oportunidade ba asaun ne’ebé efetivu liu iha nivel Nasionál.

Workshop ne’e sei foka ba habelar programa protesaun sosiál, hametin sistema ai-han ne’ebé reziliente ba klimátiku no hadia servisu saúde no nutrisaun iha nasaun tomak. Governu Timor-Leste sei nafatin kompromisu atu investe iha nutrisaun, ho liu millaun $55 ne’ebé aloka tinan-tinan ba programa sira setór saúde nian. Esforsu kolaborativu ho parseiru dezenvolvimentu inklui sosiedade sivíl hodi kontinua promove intervensaun integradu sira ne’ebé bazeia ba evidénsia, multi-setoriál sira hodi atinji tarjetu sira ne’bé sita ona iha PEDN no ODS

Konsultasaun ida ne’e hanesan parte ida husi Timor-Leste nia preparasaun ba Simeira N4G ne’ebé sei hala’o iha fulan Marsu 2025 iha Paris, hodi aprezenta Timor-Leste nia komitmentu ba objetivu nutrisaun globál, Alvu Asembleia Mundiál Saúde, no Objetivu Dezenvolvimentu Sustentável (ODS).

Atividade ne’e rasik realiza Iha salaun enkontru Administrasaun Autoridada Munisipál Liquiçá no abertira direta husi Presidente Autoridada Munisipál Sua Exelência Paulino Ribeiro, MPA.