Liquiçá,20 Maiu 2024

CERIMONIA ICAR BANDEIRA RDTL NO TOMADA DE POSSE BA ADMINISTRADOR POSTU ADMINISTRATIVU LOES

Servisu Administrasaun Munisípiu Liquiçá ne’ebé lidera husi Presidente Autoridade Munisipál, Sr. Paulino Ribeiro. MPA hamutuk ho funsionáriu hotu iha Munisípiu Liquiçá, partisipa maixumu iha eventu ba Cerimonia Solene ba selebrasaun aniversáriu da Restaurasaun independénsia RDTL ba dala 22 no tomada de posse ba Administrador postu Administrativu loes.

Iha eventu rua ne’ebé la hanesan maka sei akontese no realiza iha Giuço, mak hanesan, Comemorasaun ba Cerimonia icar Bandeira 20 de Maio no Cerimonia Solene Tomada de Posse ba Administrador Postu foun LOES

Iha Komemorasaun ba 20 de Maio ne’eb’e realiza iha Postu foun Loes ne’e, Presidente Autoridade Munisipál Liquiçá, Sr. Paulino Ribeiro, sai hanesan Presidente da Cerimonia ba iha komemorasaun 20 de Maio ida ne’e no realiza ho diak to’o remata.

Cerimonia Solene tomada de posse ba Administrador Postu foun LOES emposado Sr. Francisico dos Santos Xavier, hetan partisipasaun husi Ministro do Ensino Superior, Ciência e Cultura Sr. José Honório da Costa Pereira Jerónimo, Secretário de Estado das Pescas Sr. Domingos da Conceição dos Santos, Secretário de Estado do Desenvolvimento Local, Sr. Mateus dos Santos Tallo, 𝐃𝐢𝐫𝐞𝐭𝐨𝐫 𝐆𝐞𝐫𝐚𝐥 𝐆𝐨𝐯𝐞𝐫𝐧𝐚𝐬𝐚𝐮𝐧 𝐋𝐨𝐤𝐚𝐥 𝐒𝐫. 𝐀𝐧𝐭𝐨́𝐧𝐢𝐨 𝐆𝐮𝐭𝐞𝐫𝐫𝐞𝐬, F-FDTL  Coronel Alberto Santos “Copas”, Komandante PNTL Munisípiu Liquiçá, Veteranos Sr. Vicente da Conceição “Railos”, amu-lulik, komunidade, Estudante no entidade hotu no partisipasaun maximu husi Suku Vatuboro, Lissadila no Guicu.

Secretário de Estado do Desenvolvimento Local, Sr. Mateus dos Santos Tallo Iha  nia diskursu hateten katak;  Desentalizasaun Administrativa hakerek nanis tia ona iha ita nia konstituisaun RDTL nudar prosesu transferensia poder no responavelidade husi Governu Central ba Autoridade Munisipál sira ho poder ida maixumu ba formasaun Governu lokal ne’ebé komeptensia administrativa adekuadu no loke biban ba partisipasaun komunidade lokal iha prosesu foti desizaun iha munisípiu sira bazeia ba sira nia rekursu no kapasidade nune’e mos oinsa atu jere assuntu sira importante ne’ebé mosu iha influensa direta ba ita nia komunidade iha ambitu dezenvolvimentu ita nia rai doben, dekretu lei Nu. 84/2023 Novembru aprova alterasaun dala-5 ba dekretu Lei Nu.3/2016 Marsu ne’ebé estabelese Autoridade Munisipál sira hanesan grupu koletivu diretu publiku iha ambitu Administrasaun publika. Bazeia ba dekretu Lei 84/2023 Ministériu Amdministrasaun Estatal produs diploma Ministerial Nu.86/2023 29 de dezembru hodi institui konkretamente Administrasaun postu Administrativu sira, autoridade Munisipál sira mak extensaun servisu administrativu hahu husi postu Administrativu sira ne’ebé eziste nudar instituisaun konkretu ida no mos delumiñasaun servisu lokal ho tarevas atu halo husi diploma Ministerial ida husi Governu ne’ebé mak responsavel ba area Administrasaun Estatal nian, liu husi diploma Ministerial ida ne’e Tradús ho konkretu iha kada postu Administrativu ba administrasaun no servisu lokal respetivu sira hodi defini tareva ne’ebé sei hala’o.

Cerimonia solene ida ne’e espesifiku tebes ba munisípiu Liquiçá, tanba LOES sai ona teritoría Administrativu foun ida no anteriormente Loes partensia ba Administrativu Maubara no ;iu husi politika difizaun Administrativa husi MAE promove ona Munisípiu Liquiçá ba postu Administrativu 4 hanesan Liquiç villa, Bazartete, Maubara no Loes,politika ida ne’e mos ajuda Munisípiu Liquiçá iha ambitu prensementu pakote minimu ba implementasaun politika desentralizasaun poder lokal iha tinan 2026 mai.

Iha kontestu Timor Leste kuaze Governasaun ida sempre deklara ba desentralizasaun Administrativu ba poder lokal nudar estrateziku diak liu ba dezenvolvimentu sustentavel hodi promove kresimentu ekonomia lokal no involve setor privadu lokal sira promove mos instusaun Governu ida fotri, lezitimu no diak iha iha teritoriu tomak, kria mos biban ba partisipasaun demokratika ba povu tomak inklui maximiza antendementu ida efetivu, efisiente no justu hodi apoiu dezenvolvimento social ekonomia. Atu informa mos katak IX Governo hahu nomea PAM no Administrador postu Administrativu foun nudar faze preparativu ba ajenda desentralizasaun poder lokal hafoin avaliasaun kondisaun minimu iha 2025, ita fiar katak Autoridade Munisipál sira atu sai nai’n atu dezenvolve sira nia reziaun bazeia ba ida-idak nia rekursu no kapasidade, implementasaun administrativa iha ita nia rai importante tebes hodi responde ba nesesidade hotu-hotu iha kada Munisípiu no sigura katak komunidade sira sei hetan no assesu ba atendementu hanesan iha servisu publiku ne’ebé audekuadu no kualifikadu atu nune’e tantu Autoridade Munisipál no Autoridade Postu sira iha munisípiu Liquiçá sei iha poder autonomiu hodi diriji no jere rasik administrasaun rekursu sira no dezenvolve politika ba alin sira ne’ebé sidauk dezenvolve ho diak iha imi nia Munisípiu, ho apoiu husi setor privadu iha area rural sira promove mos Estado ida forte lejítimu no estabel iha teritoriu tomak kria oportunidade ba partisipasaun demokratika ida ba povu tomak no disponiveliza atendementu publiku ne’ebé evetivu efisiente no justu ba komunidade tomak.

Koalia sobre potensia ekonomiku no investimentu iha Munisípiu Liquiçá en jerál Munisípiu Liquiçá iha potensia ou  rai ka plantasaun ne’ebé diak tebes atu kuda ai-han oin-oin hanesan batar, aifarina no hare alende ne’e plantasaun kafé ho kakaun iha aha area ne’ebé ho kualidade as no bele sai produtu esportasaun ne’ebé ho tekniku audekuadu ho valor merkadu ne’ebé diak.

Iha biban ne’e Sr. Francisco dos Santos Xavier hanesan Administrador Postu Loes emposadu agradese tebes ba etidade hotu ne’eb’e mak durante ne’e fo ona apoiu no srvisu hamutuk no halo ona liña koordenasaun ne’ebé diak to ohin loron bele realiza eventu hirak ne’e ho diak to remata, Francisco dos Santos Xavier hanesan Administrador Postu Loes emposadu inkoraza ba ita hotu liu-liu povu loes ida ne’e inklui Suku 3 ita hotu-hotu tenki agradese ba Estado no Governu liu-liu VIII governu ne’ebé hala’o tia ona estabelesementu no to’o agora sei hatutan husi ita nia IX Governu to’o agor estabelese duni ita nia postu foun ba Postu Loes ida ne’e.

Ne’e duni ohin loron hau hakarak konvida ita boot sira mai ita hamutuk ita kolabora unidade hanesan ita Liquiçá ni moto katak HU ISO LARA ISO, ISI PUTU LOLON BREMU. Iha postu Administrativu Loes ne’e ita nian hotu, hau nudar Administrador Postu Loes kna’ar hau nian atu hare no halo atendementu ba komunidade hotu hanesan deit, hau enkoraza nafatin ba ita hotu liu-liu Loes oan sira katak Loes ne’e potensial ba agrikultura sei ita Loes oan mak la esforsu kona ba agrikultura ita moe, sei ita loes mak dehan ita hamlaha ita moe, ne’e duni planu ba oin mai ita hamutuk hodi esforsu ba agrikultura nian, inklui mos parte Edukasaun, saude no infrastutura sira seluk.

Nudar Administrador emposado hau hakarak husu ita hotu nia kontribuisaun ba ita nia postu foun ida ne’e, tanba postu foun ida ne’e laos ema ida ka rua nian maibe ita hotu nian ita mak sai hanesan autor prinsipal ba dezenvolvimentu atu lori Postu Loes ida ne’e sai diak liu iha futuru.

Depois remata tia eventu Tomada de posse no hatun bandeira RDTL ba eventu  Serimonia Solene ba selebrasaun Aniversariu da Restaurasaun Independênsia RDTL ba dala 22, Presidente Autoridade Munisipál Liquiçá, Sr. Paulino Ribeiro.MPA, nia diskursu hatete katak, nudar loron ístoria ba ita timor oan liu-liu Liquiçá oan sira no espesialmente ba postu Loes ne’ebé mak hamrik ona hanesan Postu Administrativu Loes ne’ebé mak haketak an ona husi Postu Administrativu Maubara, ita nudar Liquiçá oan orgullu no kontente tanba Governu Central hakbesik ona Governasaun ne’e ba povu atu nune’e povu sira ne’ebé parte husi Guiço, Vatuboro no Lissadila bele besik liu ba Administrasaun Postu atu nune’e bele halo atendementu publiku ba intrese publiku nian. Husu ba ita boot sira atu ita boot sira tenki fo apoiu maximu ba ita boot sira nia Administrador foun presija Nai Xefi Suku sira ho imi nia estrutura tenki hamutuk hodi fo kontribuisaun ba estabelesementu Postu Loes liu-liu suporta ita boot sira nia Administrador, Servisu boot ida ba ita boot sira mak oin-sa  atu hanoin para atu dezenvolve Loes atu sai sidade ba Postu Administrativu Loes, ho nune’e iha eventu ida ne’e rai hela ístoria importante ida ba Loes sei konta husi Jerasaun ba jerasaun liu-liu ba maluk sira ne’ebé mak hahu inísiu ba estabelesementu Postu Loes, inklui mos Sr. Felix (Anin-buras), povu Loes tenki orgullu tanba bele hamosu ona inisiativa ne’ebé diak, hamosu Postu Loes ne’e iha VIII Governu Konstituisional,

IX Governu Konstituisional ne’e mai atu konkretiza mehi ne’ebé mak povu Loes nia hakarak no ohin sai realidade, ita boot sira trata dokumentus hirak ne’e sei la ba to’o tan iha Maubara ita boot sira sei trata dokumentus hirak ne’e iha ita boot sira nia Postu rasik, lakleur tan ita sei halo konstrusaun ba edifísiu Postu Administrativu Loes, rai iha ona, osan mos iha ona, dezeñu mos iha ona hein deit halo tenderizasaun.

Buat ida mak PAM Liquiçá, Sr. Paulino Ribeiro hakarak fo hanoin ba Administrador Postu Loes husu atu halo proposta no halo ona koordenasaun servisu ho parte Administrasaun Financas Minisipál nian para atu ne’e bele hahu prosesu ezekuta ita boot sira nia orsamentu hodi bele halo ona servisu,  tuir fali atu fo hanoin nafatin ba APA Loes katak komesa 21 de Maiu ita boot hahu ona ita nia kna’ar nudar Administrador iha Loes tenki hanoin ona hodi atualiza dadus sira ne’ebé maka ligasaun ba Infrastutura, Saude, Edukasaun, Demografia, Agrikultura no seluk-seluk tan, para ita boot fasil atu halo planu iha tinan oin mai.

Ikus liu PAM Liquiçá, Sr. Paulino Ribeiro.MPA.  agradese tebes ba parte hotu-hotu durante komisaun organizadora hala’o sira nia servisu iha Loes Buat ruma keta la monu ba povu Loes karik, nudar Presidente Autoridade Munisipál lori komisaun Organizadora nia naran husu perdua no deskulpa ba ita boot sira.

© 2024 Administration Municipalitu of Liquiçá