Organizaasaun Belun realiza eventu lansamentu ba rezultadu peskiza kona-ba Tara Bandu ho foku espesiál ba “Haforsa Advokasia hodi Hasa’e Partisipasaun Inan-Feton iha Prosesu Tara Bandu” iha Munisípiu Likisá, hanesan parte husi implementasaun projetu “Haforsa Koezaun Sosial”.

Eventu importante ne’e hetan fundus husi União Eropea ne’ebé servisu hamutuk ho NJO Belun no Chilefoun Timor-Leste, Chilefoun Internacional Indonesia no mos NJO ba Futuru.

Iha lansamentu ofisiál, representante husi Belun hatete katak peskiza ne’e importante atu “entende konteksu real iha komunidade sira kona-ba espasu feto iha prosesu tradisional Tara Bandu, no identifika estratéjia atu promove partisipasaun igual”.

Objetivu prinsipál husi lansamentu ne’e mak:

• Divulga dadus peskiza kona-ba situasaun real partisipasaun feto iha Tara Bandu;

• Aumenta konsiensia komunidade kona-ba importância envolvimentu feto iha tomada desizaun tradisional;

• Fó plataforma diskusaun entre lider komunidade, autoridade lokal no organizasaun sivil kona-ba igualdade jeneru;

• Promove rekomendasaun estratéjiku atu hametin advokasia hodi transforma normas tradisional sira ne’ebé la favorese feto;

• Motiva kolaborasaun multisektoriál ba promosaun justisa sosial no paz lokal iha Munisípiu Liquiça.

---

ChildFund Timor-Leste no ChildFund International Indonesia liu husi programa partilhadu sira, kontinua fó susténsia ba inkluzaun jeneru no harmonia komunidade, ho esperansa katak peskiza ida ne’e bele sai base evidénsia atu hodi advoka ba politika lokal no desizaun komunidade.

Eventu ba lansamentu ne’e rasik prezidi husi Presidente Autoridade Munisipál Liquiçá, Sua Exelência Paulino Ribeiro,MPA no mos hetan partisipasaun husi Diretúr Ezekutivu BELUN, country director ChildFound Timor Leste, Reprezentante Sekretáriu Estadu Igualidade no jeneru, Diretúr Jerál arte no kultura, APA sira, funsionáriu sira inklui mos Estudante sira, autoridade lokal, lider komunitariu, organizasaun feto, juventude no komunidade.