ESPOZISAUN DEZENVOLVIMENTU GOVERNASAUN LOKÁL HODI KOMEMORA LORON INDEPENDENSIA RESTAURASAUN 20 DE MAIO 2025

IX Governu konstituisional liuhusi Ministériu Komérsiu no Indústria ho servisu hamutuk ho Ministériu Administrasaun Estatal ensera Feira Promove Produtu Nasionais ho Tema “ Hametin Pás no Dezenvolvimentu” ne’ebé realiza durante loron 5 hahú husi loron 16 to’o loron 20 fulan ne’e iha Portu Dili.

Objetivu husi feira nasional ne’e hodi komemora loron Restaurasaun Independênsia Timor-Leste nian ba-dala 23. Iha ámbitu ba loron nasional ne’e Ministériu Komérsiu no Indústria liuhosi Diresaun Nasional Marketing mobiliza enorme Grupu sira kompostu husi grupo artezanatu, bebidas no kulinaria hamutuk 150 resin mak partisipa iha feria ka espozisaun ne’ebé junta ho ezpozisaun Munisipais organiza husi ESTATAL.

Iha kalan ikus ne’e komunidade sira ho entuziasmu asisti divertimentu sira iha porto Dili.

Iha parte seluk Primeiru-Ministru (PM), Kay Rala Xanana Gusmão hala’o vizita bá Feira ka “𝐄𝐬𝐩𝐨𝐳𝐢𝐬𝐚𝐮𝐧 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐆𝐨𝐯𝐞𝐫𝐧𝐚𝐬𝐚𝐮𝐧 𝐋𝐨𝐤𝐚𝐥” iha Porto Dili ne’ebé ograniza hosi Ministériu Administrasaun Estatál (MAE).

Durante vizita Primeiru-Ministru hola produtu lokál sira iha feira ne’e no distribui hikas bá komunidade ne’ebé asiste ka vizita mós feira ne’e.

Governu organiza feira ne’e hanesan mós programa nasionál ida hodi selebra loron aniversáriu Restaurasaun Independénsia Repúblika Demokrátika Timor-Leste (RDTL) nian bá dala-23 ho tema “𝐇𝐚𝐦𝐞𝐭𝐢𝐧 𝐏𝐚𝐳 𝐧𝐨 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮”.

Iha feira ne’e halibur líder nasionál sira, autoridade munisípiu sira no públiku hodi destaka progresu iha governasaun lokál no promove unidade liu-hosi kultura no dezenvolvimentu.

IX Governu Konstitusionál liu-hosi MAE distribui mós sertifikadu no prémiu bá manán-na’in sira, hosi munisípiu 12 no Autoridade Administrativa Ataúro, ne’ebé tuir kompetisaun bá dansa kultura no aprezentasaun múzika tradisionál (koremetan) durante loron 15-19 Maiu 2025.

Sertifikadu ne’e hodi rekoñese kontribuisaun munisípiu sira ne’ebé destakadu iha espozisaun “𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐆𝐨𝐯𝐞𝐫𝐧𝐚𝐬𝐚𝐮𝐧 𝐋𝐨𝐤𝐚𝐥” iha progresu servisu sira inklui produtu artezenatu sira hosi munisípiu ida-idak nian.