Liquiçá, 26 Abril, 2024

Presidente Autoridade Munisípiu Liquiçá Partisipa iha sosializasaun ba servisu atendimentu balkaun úniku iha Salaun Enkontru STAE Liquiçá. Sosializasaun ne’e rasik hetan partisipasaun husi Diretores, Funisionariu no Estudante sira.

Presidente Autoridade Munisípiu Liquiçá hakarak ba oin, liu husi Servisu Balkaun úniku bele faselita ona ita hodi halo atendementu  ba dokumentus hirak ne’e ho lais.

Balkaun úniku ne’e mos atu asegura dadus sira ne’ebé iha munisípiu hamutuk ho portal Munisípiu, ba oin servisu rua ne’e maka lao diak ona, ita nia dadus eletroniku sei asegura ho diak.

Balkaun Úniku mak parseria entre Programa Nasoins-Unidas ba Dezenvolvimentu (PNUD) no Ministériu Administrasaun Estatal (MAE) atu promove prosesu desentralizasaun no prestasaun servisu iha nivel lokál.

Saida mak Balkaun Úniku?

Balkaun Úniku mak inovasaun importante ida husi Governu atu lori servisu públiku hodi besik ba sidadaun sira. Iha edifisiu Balkaun Úniku ita bele asesu servisu sira seluk ne’ebé la hanesan, poupa tempu no osan.

Atendimentu públiku ba kliente ida neʼebé ho oin-midar.

Saida mak servisu públiku?

Servisu públiku iha objetivu atu promove bein-komún no rezolve nesesidade sosiedade nian, ho foku ba iha responsabilidade sívika no kontribui ba impaktu pozitivu iha sosiedade.

Ne’e inklui administrasaun governu, saúde, edukasaun, bee no saneamentu, mobilidade urbana, konservasaun ambientál.

Servisu saida mak ita bele asesu ba?

Ministériu Justisa mak parseiru importante ida iha esforsu ne’e. Nune’e, iha faze dahuluk, ita sei asesu ba servisu sira husi Diresaun Jeral Servisu Rejistru no Notariadu:

Billete Identidade

Rejistru Kriminál

– Hasai passaporte

Iha Balkaun Úniku ita mós bele:

Husu informasaun kona-ba servisu munisipiu nian no Notariadu sira hanesan: prosedimentu administrativo, taxa

• Reklamasaun kona-ba servisu públiku sira:

Ita-boot la satisfaz ho prestasaun kualidade servisu iha ita-nia munisipiu? Favór, bele fo hatene ami!

* Fó ita-nia sujestasaun kona-ba inisiativa Balkaun Úniku:

* Vizita ami no inskreva ita-nia opiniaun!

Balkaun Úniku daudauk iha responsabilidade munisipiu nian.

Depois ninia inaugurasaun, munisipiu mak sei responsavel ba manutensaun edifisiu.

Edifisiu hotu-hotu husi Balkaun Úniku sei hala’o remodelasaun integral no parte munisipiu sei presiza mantein manutensaun ba instalasaun sira.

Munisipiu iha knar importante ida atu tau-matan ba servisu Balkaun Úniku no atu asegura edifisiu sira ne’e iha kondisaun di’ak.

Balkaun Úniku mak di’ak ba públiku!

Ema ida-idak bele benefisia husi ida ne’e no utiliza servisu ne’e sei la impede seluk atu apresia servisu ne’e mós.

Servidór públiku tenke tau-matan ba públiku nia di’ak.

Inisiativa ida ne’e sei hala’is prosesu desentralizasaun husi servisu públiku iha nivel lokál.

Balkaun Úniku íha poténsia atu aselera prosesu desentralizasaun liu-husi fornesimentu prestasaun servisu iha odamatan-úniku/ida de’it.

Ita-boot sira bele vizita ami iha enderesu tuir-mai:

Munisipiu Manatuto iha Edifisiu Antigu STAE

Munisipiu Liquiçá – iha Administrasaun Autoridade Munisipiu.