![](https://liquica.gov.tl/wp-content/uploads/2023/11/15-300x200.jpg)
![](https://liquica.gov.tl/wp-content/uploads/2023/11/25-300x200.jpg)
Presidente Autoridade Munisípiu Liquiçá, realiza atividade rutina içar Bandeira Nasional iha resintu
Administrasaun Munisipál, ne’ebé sempre realiza iha primeira semana do mês.
Iha biban ne’e Presidente Autoridade Munisípiu Liquiçá nafatin apela ba Funsionáriu no kargu xefia sira atu halo servisu no atendementu ho responsavelidade bazeia ba kna’ar instituisaun ne’ebé ita bo’ot sira simu ona, no kna’ar instituisaun Funsaun Publika iha Administrasaun Estado nian hodi atende ba atendementu publiku.
Ne’e duni ita hotu fahe kna’ar husi Administrasaun nian ho Seguransa, Bomberos ita hotu hala’o servisu ho funsaun ne’ebé lahanesan, maibe ita hotu atu servi ba atendementu publiku.
Husu nafatin ba ita hotu atu halo liña kordenasaun diak no koperasaun diak atu nune’e ita kria servisu ne’ebe iha paz, estabilidade ba iha ita nia Munisípiu ida ne’e. labele akontese tan hanesan munisípiu sira seluk ne’ebé iha konflitu nia laran, ne’e duni hau husu nafatin ba ita hotu atu kuidadu estabilidade, ita hotu nafatin servi ba Estado, servi ho neon ho laran ho kna’ar tomak ita bo’ot nian durante prosesu tomak iha semana ida ne’e nian.
![](https://liquica.gov.tl/wp-content/uploads/2023/11/31-300x200.jpg)
![](https://liquica.gov.tl/wp-content/uploads/2023/11/32-300x200.jpg)
Ba Diretor sira ita bo’ot sira kontinua hola parte iha servisu ida ne’ebé diretamente ba iha komunidade atu dirigi funsaun sira ne’e ho responsabilidade. Husu ita bo’ot sira atu mantein nafatin disiplina.
Iha fulan nee nia laran ita atu hakat ona ba komemorasaun 28 de Novembru husu ba ita hotu tenge forma komisaun ida preparadu no fahe kna’ar ida ne’e ho lolos atu nune’e ita nia komemorasaun 28 de Novembru la’o ho diak, husu ba ita tenki hasae bandeira iha ita bo’ot sira nia edefisiu no husu ba Diresaun logistika atu avizu ba komunidade hotu iha Munisípiu Liquiçá atu hasae/dada bandeira iha sira nia uma oin.
Ikus liu Presidente Autoridade Munisípiu Liquiçá fo parabéns no apresia ba CNE bele prepara no organiza ona nia staff sira sai korpu içar bandeira no dirijente iha primeira semana ba fulan Novembru ida nee.
![](https://liquica.gov.tl/wp-content/uploads/2023/11/9-300x200.jpg)
![](https://liquica.gov.tl/wp-content/uploads/2023/11/11-300x200.jpg)
![](https://liquica.gov.tl/wp-content/uploads/2023/11/23-300x200.jpg)
![](https://liquica.gov.tl/wp-content/uploads/2023/11/IMG_3110-300x200.jpg)
CENTRU INFORMASAUN MUNISIPÁL
Liquiçá, 06 – 11 – 2023