Programa Divulgasaun hametin siénsia no kooperasaun kriminál hodi garante justisa no seguransa iha timor-leste ne’e, hetan partisipasaun maximu hosi Diretor Nacional Polícia Científica Investigação Criminal (PCIC), Presidente Consellho Veteranos Munisipiu Liquiçá, Xefi Investigasaun Munisipiu Liquiçá, KRAM, Administrador Postu Administrativu sira, Diretores Servisu Munisipál no Diretores Delegasaun teritorial sira inklui Xefí departamentu , Funionáriu Munisipál, F-FDTL destakadu , PNTL, Organizasaun sira no Xefí Suku sira.

Programa Divulgasaun ne’e atu fortalece utilizasaun siénsia moderna, hanesan siénsia forénsika, iha prosesu investigasaun krime, no reforsa kooperasaun entre orgaun justisa sira (hanesan Polísia, Ministério Públiku, Tribunal, no Laboratóriu Forénsiku).

Objetivu prinsipal maka hanesan :

1. Hametin Siénsia Forénsika

• Siénsia forénsika ajuda atu buka prova kona ba krime.

• Prova ne’e sai base sientífika atu sustenta investigasaun no prosesu tribunal.

• Hanesan: ADN (DNA), marka liman, analisasaun droga ka arma, no seluk.

2. Reforsa Kooperasaun Kriminál

• Halo koordenasaun diak entre orgaun sira ne’ebé halo investigasaun no prosesu justisa:

o PNTL (Polísia)

o Ministério Públiku

o Tribunal

o Laboratóriu Forénsiku

• Kooperasaun ne’e ajuda atu responde lalais no efetivu ba krime sira.

---

3. Garante Justisa Efetiva

• Justisa bele dada ba ema ho base ba prova klaru no la iha diskriminasaun.

• Prova sientífika bele prevene sala julgamentu ka impunidade.

4. Assegura Seguransa Komunidade

• Investigasaun ne’ebé efisiénte no julgamentu justu bele fo kastigu ba kriminal sira.

• Ema bele sente seguru tanba krime la pasa deit ho impunidade.