Lauhata | Liquiçá Municipal Authority

I. Introdusaun

1.1 Antesedente

Suku Lauhata pertense ba Postu Administrativu Bazartete, ne’ebé nia distansia besik bá kapital Munisipiu Liquiça lokaliza iha Posto Administrativo Bazartete hamutuk ho Suku 8 (walu) seluk maka hanesan: Suku Maumeta, Mota-Ulun, Ulmera, Tibar, Fahilebo, Metagou, Leorema, no Fatumasi iha Munisipiu Liquiça.

Geografikamente Suku Lauhata, Suku ne’ebé lokaliza iha area kosteiras ho nia paisajem ne’ebé furak no atratiku hanesan: Inur Pelila, Rai henek mutin pala, be’e manas Hoholuli, nomos iha fatin sitio istoriku ne’ebé koñesidu ho naran ex Prizaun Epelo. Nune’e mós iha foho Nunu Lete Hoho no foho Pissu-Lau, nudár sitiu turistiku kultural ne’ebé bele atrai vizitantes sira bá vizita fatin referidu.

Iha tempu Kolonial Portugés harii uma ba dadur politiku (Komarka) ba sidadaun Timorense ne’ebé kontra estadu Portugés nia ukun iha Timor-Leste. Fatin refere koñesidu ho naran “PRISÃO EPELO’ ne’ebé iha tempu ukun an estadu Timor-Leste konserva nu’udar sitiu istoriku no sai fatin turistiku ne’ebé atrai tebes vizitantes sira mai vizita tantu ema husi rai laran nomos ema estranjeiru.

Perfíl Suku

2.1 Istoria Suku nian

Tuir istoria, naran Suku Lauhata foti husi naran uma lisan ida iha Suku Lauhata Aldeia Pissu-Lete husi uma lisan Betul Ho’u Lauhata ne’ebé tuir istoria katak, uma lisan ne’e iha Avo mane na’in rua maka mosu sae husi rai kuak ida nebe ohin loron Jerasaun husi uma lisan ne’e sei adora kakreba.Suku Lauhata mai husi liafuan balu maka hanesan tuir mai: uma lisan Betul Hou ne’e, “Betul” katak “au”, “Ho’u” katak “leten” tanbá au ne’e lokaliza iha parte leten, “Lau” Katak “ai-ru” buat hirak ne’e moris iha kedas tempu beiala sira nian, bai-bain ai-ru ne’e monu latan no satan hela iha rai nia ninin ho lian tokodede katak “hata”, tanba ne’e avo beiala sira hanaran Uma Lisan Betul Ho’u Lauhata. Ikus mai, iha tempu kolonial Portuges, malae mutin sira foti Lauhata sai hanesan Suku nia naran to’o agora. Tamba iha tempo uluk uma lisan Betul hou Lauhata Iha tempu ne’eba, mosu mai ka moris husi rai kuak Betul Hou Lauhata avo mane na’in rua to’o agora nia jerasaun ba jerasaun sei adora fatin lulik ka sira nia moris fatin ne’e (rai kuak) lokaliza iha Aldeia Pissu-Lete iha foho no ai-laran ho lian tokodede luli lara ka ai-laran lulik.

Avo mane na’in rua ne’e ida maun naran Dom Lekiteus no ida alin naran Dom Lakuroma. Dom Lekiteus sa’e primeiru mai lori we/rota (tongkat peminpim). Dom Lakuroma sa’e tuir mai hakuak livru, hasan belak mean bote ida lori mós pesa (canhão) tolu no mós diman tolu. Pesa tolu ne’e ida naran Bersoro, ida naran Leki-lafaek no ida naran Bisopoka. Tuir informasaun, liu rai maka tau naran Suku ne’e Lauhata, liurai ne’e naran Laes Lara Berkama.

Naran Lauhata ne’e foti husi Ai-ru pedasauk ne’ebé avo sira mosu mai iha hela bote laran ho bote talin ho nia talin tua metan, iha bote ne’e nia laran iha kedas osan mean fukan 2 hanesan kuda nia ten bo’ot iha kedas ai-ru rohan ida iha bote laran. Bazeia bá ai ru rohan iha bote laran ne’e maka hanaran Suku Lauhata. Liu rai ne’ebé hanaran Suku ne’e maka avo Laes Lara Berkama.

Uma Lisan Betul Ho’u Lauhata maka fó ukun bá ema seluk maibé preta rai, osan mean iha bote laran no rota Lulik hodi fó bá Uma lisan Asama-Gari hodi kaer ukun no bandu iha tempo ne’ebé hahú husi tempu ne.ebé titir no bandeira na’in bá Asamagari hodi kaer ukun bua ho malus, aifuan, ai-horis, kintal no to’os kabuleha no kabu roda na’in ba uma Lisan Betul Ho’u Lauhata.

Uma lisan Betul Ho’u Lauhata mos to’o ohin loron wainhira iha kandidatu ruma karik atu kandidatu bá Xefe Suku, nia sei bá hakruk no husu lisensa no fó kuñesimentu hodi simu matak malirin, maibé la fó poder, uma lisan ne’ebé fó poder maka Asamagari ne’ebé iha tempu bei-ala sira entrega tiha ona poder ne’e bá sira.

Haktuir husi Sr. Albertino Bareto lia na’in uma lisan Betul Ho’u Lauhata idade 79 anos, Sr. Jose Coreia 66 Anos, lia na’in husi uma lisan Likurai hanesan mós eks Xefe Suku tempu okupasaun Indonesia nian, Norberto dos Santos (Matebian) lia na’in uma lisan Ledomata Saipara.

Suco Lauhata hamriik iha tinan 1893 iha tempu Portugues nian. Naran Suku Lauhata mai husi liafuan “Lau” ne’ebé signifika ai-ru. Naran ne’e eskolla husi Laes lara berkama tanbá ai-ru ne’e moris iha tempu beiala sira nian, bai-bain ai-ru ne’e monu latan no satan iha rai ( to’os) nia ninin ho lian tokodede katak “Hata”

1.2 Baze legál

Lei númeru 9/2016 kona-bá lei suco nian
Dekretu lei númeru 4/2024 kona-bá planeamentu dezenvolvimentu komunitáriu
Diploma Ministérial númeru …/2025 kona-bá modelu planeamentu

1.3. Objetivu

Atu identifika potensialidade hotu komunidade nian ne’ebé sei tulun dezenvolvimentu iha Suku laran.

1.4 Ámbitu

Planu ne’e kobre deit prioridade ba dezenvolvimentu ne’ebé sei halo iha tinan 5 nia laran hahu husi tinan 2026 to’o 2030.

Istórikamente, Suku Lauhata lidera ona husi lideransa komunitáriu hamutuk nain 18. Tuir mai ne’e mak detallu ba lideransa Suku Lauhata nian husi inísiu to’o agora, inklui knár ne’e sira halo ona:

1. Lideransa Dahuluk

Naran Lideransa Komunitáriu : Laeslara-Berekama,(1875)

Periodu Ukun : Tinan 1875 to’o _______

Obra/atinjimentu ne’ebé konsege halo no husik hela: –

2. Lideransa Daruak

Naran Lideransa Komunitáriu : Bere Nuac

Periodu Ukun : Tinan 1875 to’o 1906

Obra/atinjimentu ne’ebé konsege halo no husik hela: –

3. Lideransa Datoluk

Naran Lideransa Komunitáriu : Dona Ines

Periodu Ukun : Tinan 1906 to’o 1915

Obra/atinjimentu ne’ebé konsege halo no husik hela: –

4. Lideransa Dahaat

Naran Lideransa Komunitáriu : Tomas Alves (Maubuti),

Periodu Ukun : Tinan 1915 to’o 1925

Obra/atinjimentu ne’ebé konsege halo no husik hela: –

5.Lideransa Dalima

Naran Lideransa Komunitáriu : . Leto Nuac

Periodu Ukun : Tinan 1915 to’o 1935

Obra/atinjimentu ne’ebé konsege halo no husik hela: –

6. Lideransa Daneen

Naran Lideransa Komunitáriu : Bere Nuac

Periodu Ukun : Tinan 1935 to’o 1939

Obra/atinjimentu ne’ebé konsege halo no husik hela: –

7. Lideransa Dahitu

Naran Lideransa Komunitáriu : Joaquim da Silva,

Periodu Ukun : Tinan 1935 to’o 1945

Obra/atinjimentu ne’ebé konsege halo no husik hela: –

8. Lideransa Dawalu

Naran Lideransa Komunitáriu : Felix dos Santos Barreto

Periodu Ukun : Tinan 1945 to’o 1969

Obra/atinjimentu ne’ebé konsege halo no husik hela: –

9. Lideransa Dasia

Naran Lideransa Komunitáriu : Agostinho dos Santos,

Periodu Ukun : Tinan 1969 to’o 1975

Obra/atinjimentu ne’ebé konsege halo no husik hela: –

10. Lideransa Dasanulu

Naran Lideransa Komunitáriu : Francisco Barreto,,

Periodu Ukun : Tinan 1978 to’o 1981

Obra/atinjimentu ne’ebé konsege halo no husik hela: –

11. Lideransa Dasanulu resin ida

Naran Lideransa Komunitáriu : Jose dos Santos Barreto,,

Periodu Ukun : Tinan 1981 to’o 1984

Obra/atinjimentu ne’ebé konsege halo no husik hela: –

12. Lideransa Dasanulu resin rua

Naran Lideransa Komunitáriu : Agostinho dos Santos

Periodu Ukun : Tinan 1984 to’o 1987

Obra/atinjimentu ne’ebé konsege halo no husik hela: –

13. Lideransa Dasanulu resin tolu

Naran Lideransa Komunitáriu : Jose Correia

Periodu Ukun : Tinan 1989 to’o 1997

Obra/atinjimentu ne’ebé konsege halo no husik hela: –

14. Lideransa Dasanulu resin haat

Naran Lideransa Komunitáriu : Moises dos Santos

Periodu Ukun : Tinan 1997 to’o 1999 (1999 ukun ne’e hadau husi Paul Soares)

Obra/atinjimentu ne’ebé konsege halo no husik hela: –

15. Lideransa Dasanulu resin lima

Naran Lideransa Komunitáriu : Alberto dos Santos, “Kafe moruk

Periodu Ukun : Tinan 2000 to’o 2004 Obra/atinjimentu ne’ebé konsege halo no husik hela: –

16. Lideransa Dasanulu resin neen

Naran Lideransa Komunitáriu : Jose dos Santos Barreto

Periodu Ukun : Tinan 2004 to’o 2007

Obra/atinjimentu ne’ebé konsege halo no husik hela:

Muda Sede Suku iha tempu okupasaun Indonesia ne’ebé lokaliza iha Bairo Fatuhada ba iha Pala
Konstrusaun Sede Suku aktual

17. Lideransa Dasanulu resin hitu

Naran Lideransa Komunitáriu : Emilio Barreto

Periodu Ukun : Tinan 2007 to’o 2016

Obra/atinjimentu ne’ebé konsege halo no husik hela: –

Lideransa Dasanulu resin walu

Naran Lideransa Komunitáriu : Daniel dos Santos

Periodu Ukun : Tinan 2016-2023, 2023-2030

Obra/atinjimentu ne’ebé konsege halo no husik hela:

UKL
UKL +
Perfurasaun bee mós Aldeia Caimegulo
Gravitasaun bee mós Aldeia Pissu-Lete
Estensaun sala tolu EB 1,2 Lauhata
Eskola EB Hatugara
Plan Aldeia Camalehou

Demografia Suku

Totál populasaun iha Suku Lauhata hamutuk 5.098 feto 2.547 mane 2.551. Husi númeru ida ne’e, nia distribuisaun tuir idade mak hanesan tuir mai ne’e:

Idade (tinan)	Feto	Mane	Total
0 – 5	323	372	695
6 – 10	326	335	661
11 – 15	251	269	520
16 – 20	266	273	539
21 – 25	248	223	471
26 – 30	235	200	435
31 – 35	208	199	407
36 – 40	184	174	358
41 – 45	136	127	263
46 – 50	59	51	110
51 – 55	73	83	156
56 – 60	68	65	133
61 – 65	56	53	109
65 – 70	53	56	109
71 – 75	43	48	91
76 ba leten	18	23	41
TOTÁL	2.547	2.551	5.098

Númeru populasaun Suku Lauhata tuir nivel edukasaun, nian bele haree iha tabela tuir mai:

Idade (tinan)	Feto	Mane	Total
Pre-Eskolar			166
Ensinu Báziku Siklu			688
Ensinu Sekundáriu			196
Lisensiatura			39
Mestradu			3
Doutoramentu			1
	549	544	1093

Situasaun Sosial

Populasaun Suku Lauhata kompostu husi lisan :

NO.	NARAN UMA LISAN	ALDEIA
1	Leki bere berleki	Raucassa
2	Ledomata saipara	Raucassa
3	Durbasa soa tela	Raucassa
4	Lakasi laka bau	Raucassa
5	Lakadou hali bere	Raucassa
6	Manuponi taudeha	Raucassa
7	Taudeha	Raucassa
8	Hatu meo	Raucassa
9	Hatu meo soa noroa	Raucassa
10	Nakapu	Raucassa
11	Saramata	Raucassa
12	Maukeli maumegi	Raucassa
13	Lebu mege	Raucassa
14	Likurai	Raucassa
15	Durbasa	Raucassa
16	Dair	Raucassa
17	Lukulai	Raucassa
18	Ai tura mane mesak	Raucassa
19	Mau besi bersera	Raucassa
20	Leki meta maumose	Raucassa
21	Mau meta	Raucassa
22	Lelo sae	Raucassa
23	Leo tela	Raucassa
24	Hatu luli	Raucassa
25	Rae hatu	Raucassa
26	Durbasa lika lete hau lau	Raucassa
27	Mane telu	Raucassa
28	Taudeha koe bloko	Camalehou
29	Bere mau makalao hatu-loskai	Camalehou
30	Bere mau makala’o lori-los bresi	Camalehou
31	Berloe mau tao	Camalehou
32	Sarmata	Camalehou
33	Rae hatu lekeru brao	Camalehou
34	Rae ubu	Camalehou
35	Dirhati	Camalehou
36	Sero	Camalehou
37	Mau meta Padaglana	Camalehou
38	Hatu luli	Camalehou
39	Leto mau besi mone	Camalehou
40	We hale	Camalehou
41	Aste’e askada	Camalehou
42	Mau meta	Camalehou
43	Saramata	Camalehou
44	Leo A’e Maudila Dasi Paul	Caimegulo
45	Leo A’e Basa Mane	Caimegulo
46	Leo A’e Mane Lim	Caimegulo
47	Mane Lim Bresi los Lori	Caimegulo
48	Ledo Mata Saipara Koe Mnaru	Caimegulo
49	Ledo Mata Saipara Koe Bloko	Caimegulo
50	Ledo Mata Saipara Bri- Mesa	Caimegulo
51	Mau Saka Mau-toba	Caimegulo
52	Asu Laku	Caimegulo
53	Lakasi Laka Ba’u	Caimegulo
54	Likurai	Caimegulo
55	Saramata Lelo Dú	Caimegulo
56	Tau Deha Portugal	Caimegulo
57	Lerek Ba’e Manu Koli Bresi Los Lori	Caimegulo
58	Anu Quelicai	Caimegulo
59	Pada Maumeta	Caimegulo
60	Legimé Ruku Los Nau	Caimegulo
61	Metir	Caimegulo
62	Lauhata Betul Ho’u	Pissu-Craic
63	Maumeta Karquia Makilo	Pissu-Craic
64	Kabesi Mamali	Pissu-Craic
65	Askoli Behali lori o bresi	Pissu-Craic
66	Suco Askoli Behali	Pissu-Craic
67	Likurai	Pissu-Craic
68	Durbasa	Pissu-Craic
69	Lauhata	Pissu-Craic
70	Lekimeta Mamose	Pissu-Craic
71	Ameta Amose	Pissu-Craic
72	Taha Mau Beci Olo	Pissu-Craic
73	Asmali Berma’u Oe Lau	Pissu-Craic
74	Goulolo	Pissu-Craic
75	Rae Ubu	Pissu-Craic
76	Hahimea	Pissu-Craic
77	Maublaho Maumegi	Pissu-Craic
78	Saramata Bersabu Manuponi Hatu los Kai	Pissu-Craic
79	Saramata Lori o Bresi	Pissu-Craic
80	Mandati	Pissu-Lete
81	Dirbuti Turmao Mateos	Pissu-Lete
82	Asam Magari	Pissu-Lete
83	Mausaka Mautoba Mane Mesak	Pissu-Lete
84	Lebmege Hatu los kai	Pissu-Lete
85	Beisama	Pissu-Lete
86	Likurai kaikoli sasama	Pissu-Lete
87	Maumeta Karquia Makilo Hatu los Kai	Pissu-Lete
88	Betul Hou Lauhata	Pissu-Lete

Alein-de populasaun lokál, iha Suku Lauhata rezide mós sidadaun sira husi munisípiu seluk no estranjeiru/rai-liur mak hanesan: Indonesia, Ermera, Baucau, Dili, Bobonaro, Oecuse, Manatuto, Suai nst. Númeru populasaun husi nasaun ka Munisipiu sira temi iha leten bele haree iha tabela tuir mai ne’e:

Nú	Munisípiu/Nasaun Orijen	Feto	Mane	Totál	Observasaun
1	Aileu	7	0	7	Kaben
2	Ainaro	9	4	13	Kaben
3	Baucau	22	7	29	Kaben
4	Bobonaro	24	7	31	Kaben
5	Covalima	10	6	16	Kaben
6	Dili	41	21	62	Kaben
7	Ermera	21	5	26	Kaben
8	Lautem	3	0	3	Kaben
9	Manatuto	10	2	12	Kaben
10	Manufahi	7	5	13	Kaben
11	Oecusse	10	2	12	Kaben
12	Viqueque	16	4	20	Kaben
TOTÁL		180	63	244	–

Populasaun Suku Lauhata bele koalia lian sira hanesan Tokodede, Tetun, Mambae, Indonesia, Portugues, Ingles nst Tuir mai ne’e detallu husi lian ne’ebé populasaun Suku Lauhata bele koalia

ho persentajen utilizadór lian refere.

Nú	Lian ne’ebé bele koalia	Total	Persentajen Populasaun
1.	Tetun	62	1,2%
2.	Tokodede	4.859	95,3%
3.	Mambae	59	1,2%
4.	Bunak-Kemak	25	0,5%
5.	Makasae	41	0,8%
6.	Baikeno	12	0,2%
7.	Indonesia	20	0,4%
8.	Ingles	12	0,2%
9.	Portuges	8	0,2%
		5.098	100%

Iha aspetu fiar nian, populasaun Suku Lauhata fiar iha relijiaun ho ninia detallu distribuisaun hanesan iha tabela no gráfiku tuir mai ne’e:

Grafiku:

Aleinde ne’e, populasaun Suku Lauhata ne’ebé iha nesesidade espesífiku ka populasaun ho kondisaun defisiensia hamutuk 114 ne’ebé kompostu husi feto 49, mane 65. Iha moos grupu vulneravel sira hanesan faluk, oan kiak, idozu no individu ne’ebé laiha rendimentu mak hanesan tuir mai ne’e:

Nú	Ema ho Defisiensia no Grupu vulnerabel	Feto	Mane	Total	Observasaun
1.	Ema ho Defisiensia	49	65	114	Defisensia, Fiziku, Matan, Tilun, Mental
2.	Faluk	44	39	83	Laen ka fe’en mate
3.	Oan Kiak	13	16	29	Inan ho aman mate
4.	Idozu	161	126	287	Pensaun Idozus
5.	Ema ne’ebé laiha rendimentu	–	–	–	–
6.	Seluk (bele deskreve tan)	–	–	–	–

Situasaun Ekonomia

Fontes rendimentu prinsípál husi populasaun iha Suku Lauhata nian maka Funsionáriu, Agrikultór, Peskadór, Hakiak Animal ho fins ba negosiu. Negosiu, Serbisu iha rai-liur, Maun de Obra. Tabela tuir mai ne’e hatudu knár prinsipál husi komunidade nian ne’ebé konsidera nu’udár sira nia fontes ba rendimentu nian

Nú	Okupasaun/serbisu	Totál	Mane	Feto
1.	Agrikultór	1.398
2.	Peskadór	27	27	0
3.	Hakiak Animal ho fins ba negosiu	–	–	–
4.	Negosiante (faan no sosa sasan ho fundus la liu $ 5000	139	60	79
5.	Emprezáriu (Iha ona estabelesimentu negosiu ho fundus liu $5000 no iha kbiit fó empregu ba ema seluk)	10	9	1
6.	Funsionáriu (públiku no privadu husi setór oioin)	163	106	57
7.	Serbisu iha rai-liur	85	69	16
8.	Estudante (sei frekuenta hela estudu husi nivel pre-eskolar to’o universitáriu)	1.257	630	628
9.	Dezempregu (Ema ne’ebé la frekuenta eskola no la hola parte iha knár sira temi iha leten)

Alein-de fontes rendimentu/knár populasaun nian hanesan deskreve ona iha leten, ekonómikamente, Suku Lauhata iha moos potensialidade lokál/natural ne’ebé bele konsidera nu’udár fontes ekonomia Suku nian mak hanesan deskreve iha tabela tuir mai ne’e:

Nú	Potensialidade Lokál	Volume/ Kuantidade	Kondisaun Existente
1.	Rai henek Mota	2	Kompañia mak esplora
2.	Tasi/Peskas	1	Iha aktividade peska
3.	Rai henek mutin	1	Seidauk dezenvolve
4.	Turismu historiku	1	Di’ak
5.	Turismu relijiozu	1	Di’ak
6.	Turismu kultural	1	Abandona
7.	Kosteira	1	Seidauk dezenvolve

Husi sorin seluk, Suku Lauhata mós iha ona estabelesimentu negósiu ne’ebé konsidera nu’udár fontes ba dezenvolvimentu ekonomia, kriasaun empregu no kresimentu ba rendimentu família nian, hanesan alista iha tabela tuir mai ne’e: