Xefe Gabinete Sekretáriu Estadu Floresta Eng. Cesaltino N. dos Reis de Carvalho, Informa Sua Exa. Sekretáriu Estadu Floresta,

la marka prezensa iha ne’e tanba ohin Sua Exa. tuir debate jeneralidade orsamentu retifikativu iha Parlamentu Nasionál (PN).

“Sekretáriu Estadu Floresta, Ita Iha Programa hamutuk 14 atu implementa ba tinan lima nian, ita tau prioridade ba programa sira liu-liu programa área reflorestasaun, agrofloresta no hare mos ita nia lei atu proteje ita nia ai laran, ita nia animal fuik sira, proteje bee, hare liu ba rekursus forestal ninian” hateten Xefe Gabinete SEF.

Programa ida kompañia Internasionál Eco-Securities halo ne’e programa ida ne’ebé diak ba ita nia nasaun, tanba tempu ida agora ita nia povu barak maka uja ai-sunu hodi atende ba nesesidade uma laran ninian, alternativu ida husi kompañia Internasionál Eco-Securities halo atu reduz ai-sunu, tanba dadaun ne’e ita nia komunidade barak maka tesi ai, hodi ba faan maibe sira la iha alternative atu kuda ai, ita nia papel Sekretáriu Estadu Floresta atu hare taumatan ba situasaun sira ne’e hotu.

“Atividades ida ne’e ita koalia ona ho Eco-Securities foin lalais ne’e ita husu atu fahe ba ita nia komunidade sira hotu laos deit iha munisípiu Likisá, programa ida ne’e maka lao ne’e ba futuru ita hare ita nia ai laran sira hanesan uluk nafatin ailaran ne’ebé ita tama ba ai laran duni, maibe agora ita hare rai maran mos barak, tanba ne’e Sekretáriu Estadu Floresta hakarak ka lakoi tenki hare rai mamuk sira tenki kuda ai ruma iha ne’eba, kuda ai horis ne’ebé bele fo ekonomia ba ita bele fo moris ba ita fo matak malirin ba ita nafaitn”

Iha fatin hanesan Project Manager kompañia Internasionál Eco-Securities Sr. Celestino Ximenes hateten, projetu fugaun foun poupa energia, dezenvolvimentu komunitariu hanesan parte ida atu fornese ba komunidade sira ne’ebé presija liu, atu responde mitiga ka hamenus impaktu sira husi mudansa klimatika, tanba dadaun ne’e mudansa klimatika lori impaktu negativu ba ita nia rai.

Enkuantu faze dahuluk Iha Suku Lukulai fahe ba uma kain hamutuk 156, ne’e dehan sei 40% faze tuir mai ita sei fahe ba kominidade sira ne’ebé presiuja liu fo uluk ba komunidade sira ne’ebé prioridade no tuir kriteria.

“Iha Likisá ita fahe ona ba suku 3. Suku Gisu distribui fugaun ba uma kain hamutuk 253, Suku Fahilebu distribui Fugaun ba uma kain hamutuk 100, no Suku Lukulai ohin ba komunidade sira ne’ebé momentu distribui fugaun la marka prezensa tuir mai sei fahe mos ba sira, total Fugaun dadaun ne’e hamutuk 2072”.

Administrador Munisípiu Liquiçá, Sr. Pedro Paulo Gomes,Lic.SP, agradese tebes ba Kompañia Eco-Securities tamba bele fornese ona Fugaun 156 ba Komunidade

Suku Lukulai. Sr. Administrador husu iha futuru bele Servisu hamutuk diak liu tan.

---

Liquiçá 22 Agusto 2023|

Centru Informasaun Munisipál