Liquiçá, 19 Abril, 2024
ENKONTRO EXTRA ORDINARIU KONSELLU KONSULTATIVU MUNISIPÁL NO POSSE BA MEMBRU ASEMBLEIA FOUN HAMUTUK NAIN 6
![](https://liquica.gov.tl/wp-content/uploads/2024/05/IMG_7230-300x168.jpg)
![](https://liquica.gov.tl/wp-content/uploads/2024/05/IMG_7190-300x168.jpg)
Sexta Feira ne’e Presidente Autoridade Munisípiu Liquiçá Sr. Pulino Ribeiro realiza Auto Posse hodi simu knar hanesan Presidente Asembleia Munisípiu Liquiçá hodi fo posse ba Membru Asembleia foun nain 5 hanesan Sekretáriu Munisípiu Asuntu Financas, Sekretáriu Munisípiu Asuntu Planeamento, Dezenvolvimento no Investimentu, Sekretáriu Munisípiu Asuntu Sosial no Organizaçoes, Xefi Suku Vaviquinia no Sexi Suku Darulete.
Iha Enkontru Konsellu konsltativu Munisipál ne’ebé realiza Iha salaun tokodede ne’e, hetan mos partisipasaun husi Diretúr Jerál, Desentralizasaun no Poder Lokal Señor Antonio Augosto Guterres no partisipasaun Maximu husi Presidente Veteranos Munisipál Liquiçá, Señor Vicente da Conceição “RAILOS”,
Diretores Servisu Munisipais, Diretores Servisu Delegasaun Teritoriál, Rev. Amu Paroquia Liquiçá no Maubara, Administradór Postu (Maubara, Liquiça no Bazartete), Xefi Suku 23, reprezentate partidu Politiki CNRT, PD, FRETILIN, KHUNTO no PLP, Presidente Joventude Liquiçá, ASADIL, Sociedade Sivil Rede NGO Liquiçá no reprezentante Feto.
![](https://liquica.gov.tl/wp-content/uploads/2024/05/IMG_7209-300x168.jpg)
![](https://liquica.gov.tl/wp-content/uploads/2024/05/IMG_7174-300x168.jpg)
Iha Diskursu Presidente Autoridade Munisípiu Liquiçá Hanesan mos Presidente Konsellu konsltativu Munisipál katak,
Haktuir ba Diploma Ministeriál nú. 51/2016, loron 30 fulan Setembru konaba Regulamentu Konsellu Konsultativu Munisipál iha artigu 5 koalia konaba kompetensia sira, Kapitlu II iha artigu 6 koalia konaba kompozisaun Konsellu Konsultativu Munisípál, ne’ebé tuir hau nia haree marka presenza hotu ona iha momentu solene ida ne’e, hodi prenxe rekezitus 1/3 haktuir ba artigu 31 konaba kourum ba realizasaun reuniaun Konsellu Konsultativu extraordináriu Munisipál ne’e, ho objetivu ba asuntu 2 (rua) pertenente no importante hodi aprova ba:
1. Lista projeitu ba sektor 5 sai prioridade ba planu investementu Munisipál Likisa iha tinan 2025.
2. Planu asaun Annual tinan 2025 bazeia programa 13.
Presidente Konsellu konsltativu Munisipál mos akresenta tan katak, Iha momentu kmanek ida ne’e, atu informa ba ita boot sira hotu, proposta ba projeitu no planu asaun annual ba Munisípiu Likisá iha tinan 2025 ita seidauk hatene lolos katak total projeitu hira mak sei pasa iha komite revisaun orsamentu no total orsamentu hira mak sei finansia ba projeitu hirak ne’ebé mak pasa iha Komite revisaun orsamentu, no ikus liu, atu informa ba Nai no Inalou sira hotu ita sei realiza tan Konsellu Konsultativu ordinariu Municipal iha fulan Juñu hodi propoin ba assuntu sira ne’ebé ita seidauk diskuti iha konsellu konsultativu Munisipal extradorinariu ida ne’e.
![](https://liquica.gov.tl/wp-content/uploads/2024/05/IMG_7250-300x168.jpg)
![](https://liquica.gov.tl/wp-content/uploads/2024/05/IMG_7267-300x168.jpg)