Loron Sábado – Ceremonia distribuisaun material sensetivu no non-sensetivu ba sentru votasaun 85 no estasaun votasaun 106 iha Munisípiu Liquiçá.
Kna’ar bo’ot konstituisinal ne’ebé ita nia estado no povu Timor Leste fo fiar mai ita liu-liu ba brigada sira atu asumi knaar ida ne’e ho responsabilidade, transparente no parcial.
Ceremonia distribuisaun material sensetivu no non-sensetivu realiza iha edifisiu STAE Munisípiu Liquiçá, ne’ebé hetan partisipasaun husi Sr. Administrador Munisípiu, Diretores linas Ministeriais sira, PNTL, fiskais quadros Partidos Políticos no oficiais STAE ho CNE.
Iha Sr. Administrador Munisípiu liquiçá nia diskursu husu ba parte CNE, STAE no PNTL atu servisu tuir lei no ordem no tenki servisu ho honestidade moral no etika. Sr. Administrador Munisípiu liquiçá husu mos ba brigadista sira atu servisu ho reponsabilidade no proficionalismu la hare ba interese grupu ida nian tenki servisu ho parcial, Moral, etika no honestidade.
Iha ambitu ne’e mos Sr. Administrador Municípiu Liquiçá fo parabens ba povo Timor Leste especialmente ba comunidade Munisípiu Liquiçá ne’ebé festeza loron aniversariu da independênsia ba dala rua nulu resin ida no husu ema hotu atu moris iha paz no estabilidade nia laran hodi bele dezenvolve diak liu tan ita nia rai doben Timor-Leste.
#remata
Liquiçá, 20 de Maio 2023
CENTRU INFORMASAUN MUNISIPÁL